અકસ્માતોને લઈને ટ્રાફિક પોલીસ દ્વારા રોંગ સાઇડ ચાલતા વાહન માટે ડ્રાઇવ .આવતીકાલથી 10 દિવસ સુધી ડ્રાઇવ યોજાશે 30 જૂન સુધી.અમદાવાદમાં વધતા અકસ્માતોને લઈને ટ્રાફિક પોલીસ દ્વારા આવતીકાલથી રોંગ સાઇડ ચાલતા વાહન માટે ડ્રાઇવ યોજવામાં આવશે.આવતીકાલથી 10 દિવસ સુધી ડ્રાઇવ યોજાશે જેમાં રોંગ સાઈડ વાહન ચલાવતા વાહન ચાલકોને દાંડવામાં નહિ આવે પરંતુ વાહન ચાલક સામે પોલીસ કેસ કરવામાં આવશે.
અમદાવાદ શહેર ટ્રાફિક પોલીસ દ્વારા આવતીકાલથી 30 જૂન સુધી રોંગ સાઈડ માટેની ડ્રાઇવ યોજવામાં આવશે.શહેરમાં બનતા અકસ્માતોને લઈને ડ્રાઇવ યોજવામાં આવશે.શહેરના અલગ અલગ વિસ્તારમાં ટ્રાફિક પોલીસ અને સ્થાનિક પોલીસ દ્વારા સાથે મળીને ડ્રાઇવ યોજવામાં આવશે.આ ડ્રાઇવ દરમિયાન રોંગ સાઈડમાં વાહન ચલાવનાર વાહનો ચાલકોને પકડીને તેમની સાથે કલમ 279 અને 184 મુજબ ગુનો નોધવામાં આવશે.આ ગુનામાં વાહન ચાલકની ધરપકડ પણ કરવામાં આવશે.
ટ્રાફિક જેસીપી એન.એન ચૌધરીએ જણાવ્યું હતું કે શહેરમાં અકસ્માતોના બનાવ ઘટાડવા માટે ડ્રાઇવ યોજવામાં આવશે.આ ડ્રાઇવ શહેરના એસ.જી હાઇવે સહિતના મોટા રસ્તાઓથી શરૂ કરવામાં આવશે ત્યારબાદ અંદરના રસ્તાઓ પર પણ ડ્રાઇવ યોજાશે.ડ્રાઇવ દરમિયાન વાહન ચાલકોને દંડવાની જગ્યાએ કેસ કરવામાં આવશે.વાહન ચાલકોએ પોલીસ સ્ટેશનમાંથી જામીન લેવા પડશે.