મહિલા પીએસઆઈ ૫ હજારની લાંચ લેતા ઝડપાયા છે. અડાજણ પોલીસ મથકની હદમાં આવતી સૌરભ પોલીસ ચોકીમાં મહિલા પીએસઆઇ ફરજ બજાવે છે. દુકાનદાર વિરુદ્ધ પાકિગની અરજી આવી હતી, જેને લઈને એફ.આર આઈ. દાખલ નહીં કરવાના અવેજ પેટે ૫ હજાર રૂપિયાની લાંચ માંગવામાં આવી હતી. દરમિયાન એસીબીની ટીમે છટકું ગોઠવી મહિલા પીએસઆઈને લાંચ લેતા ઝડપી પાડ્યા છે.
સુરતના અડાજણ વિસ્તારમાં એક વ્યક્તિ દુકાનો ધરાવી ધંધો કરે છે. તે બાબતે તેના વિરુદ્ધમાં પાકિંગની અરજી થઈ હતી, જેની તપાસ અડાજણ પોલીસ મથકના હદની સૌરભ પોલીસ ચોકીમાં ફરજ બજાવતા નીલમબેન જયંતીભાઈ મારું કરી રહ્યા હતા. જે તપાસમાં ૨૮૩ મુજબની એફ આર.આઈ. દાખલ નહીં કરવાના અવેજ પેટે મહિલા પીએઆઇએ ૫ હજાર રૂપિયાની લાંચ માંગી હતી.
એસીબીએ છટકું ગોઠવ્યું હતું. આ મામલે એસીબીમાં ફરિયાદ થતાં એસીબીએ છટકું ગોઠવ્યું હતું અને મહિલા પીએસઆઇએ સૌરભ પોલીસ ચોકીમાં જ લાંચની રકમ સ્વીકારતા એસીબીની ટીમ ત્યાં પહોંચી હતી અને મહિલા પીએસઆઈ નીલમબેન મારુંને ઝડપી લીધા હતા. એસીબીએ મહિલા પીએઆઇની અટકાયત કરી આ મામલે વધુ તપાસ હાથ ધરી છે. સુરતમાં મહિલા પીએસાઈ લાંચ લેતા ઝડપાતા પોલીસ બેડામાં પણ ચકચાર મચી જવા પામી હતી.